Il club da hockey da Losanna cumplettescha ils playoffs da questa stagiun. En la terza e decisiva partida gudogna Losanna a chasa cunter Ambri cun 5:1. Fin la 58avla minuta manava Losanna cun 2:1. Ambri ha lura prendì or dal gieu ses goli ed incassà dus ulteriurs gols – la finala ha Losanna anc gartegià ina 5avla giada.
Cunquai frunta Losanna en il quartfinal dal playoff sin il segund da la qualificaziun – Friburg-Gottéron. Ils quartfinals cumenzan venderdi, cun excepziun dal duel ZSC Lions cunter Bienna che cumenza gia mesemna.
Ils quartfinals
- Zug (1.) – Lugano (9.)
- Friburg-Gottéron (2.) – Losanna (7.)
- ZSC Lions (3.) – Bienna (6.)
- Rapperswil-Jona (4.) – Tavau (5.)