Siglir tar il cuntegn

Header

cuntegn

National League La seria da victorias dal HCD è a fin

En il cumbat per ina qualificaziun directa per ils playoffs ha il HCD stuì magunar ina sconfitta. Il club grischun ha pers la partida a chasa cunter Losanna cun 1:2, quai suenter quatter victorias en seria.

Durant l'emprim terz hai dà nagins gols. En il segund terz è il club da la Svizra franzosa i en avantatg cun 1:0. En la 46avla minuta ha lura Joakim Nordström dal HCD pudì egalisar al 1:1. Il gol decisiv ha lura sajettà il defensur da Losanna, Lukas Frick en la 56avla minuta.

Il HCD resta sin plaz 7 da la tabella.

Clera victoria da 6:1 per il HCD a Genevra

Cunter in dals concurrents directs per ina plazza da playoff, Genevra – ha il club da hockey da Tavau gudagnà il venderdi cleramain cun 6:1.

Decisiv è stà il segund terz, cura ch'ils da Tavau han marcà trais gols. E grazia als dus ulteriurs gols en il davos terz hai dà il 6:1 – e puncts impurtants per il cumbat per ina plazza da playoff. Sajettà gols per il HCD han tranter auter Andres Ambühl, il giuven Rico Gredig – e gist duas giadas ha marcà Joakim Nordström.

Ulteriuras partidas:

  • Ambri – Lakers 1:3
  • Bienna – Kloten 5:1
  • SCL Tigers – Ajoie 3:2 suenter prolungaziun
  • ZSC Lions – Berna 4:1

Tabella hockey liga naziunala

Avrir la box Serrar la box

Link tar Federaziun da hockey

    RTR novitads 22:00

    Artitgels legids il pli savens