En la stagiun actuala ha Berna gudagnà pir duas giadas duas partidas en roda. Quai n'è betg sa midà en il segund gieu a chasa cunter Tavau aifer 28 uras. Suenter la terrada da 1:5 ha il HCD prendì revantscha cun success e gudagnà cun 2:1.
En l'emprim terz n'hai dà nagins gols. En la 22avla minuta ha Guerra avert il score cun l'emprim gol per Tavau e curt avant la segunda pausa ha Palushaj realisà il 2:0. Berna n'ha betg pudì reagir ed ha sajettà pir en la 59avla minuta l'emprim gol entras Dustin Jeffrey.
Ils dus ulteriurs resultats da glindesdi saira:
- ils ZSC Lions han pers a chasa cunter Genevra cun 3:4 (suenter prolungaziun)
- Zug ha battì Lugano cun 3:2 (suenter prolungaziun)
En la tabella maina Zug uss cun 13 puncts avantatg sin ils ZSC Lions. Tavau è sin plaz 6.