Revanscha grategiada per il club da hockey da Tavau. Suenter la terrada da 2:3 la mesemna ha il HCD mussà ina clera e ferma reacziun. Gist cun 7:0 battan ils Grischuns ils Bernais. Il topscorer da Tavau, Stransky (16 e 29avla minuta) e Marc Wieser (25 e 56avla minuta) han sajettà mintgamai dus gols, ils ulteriurs han sajettà Bristedt (45'), Prassl (48') ed Egli (55').
Per l'SC Berna è quai la segund auta perdita dapi l'introducziun dals playoffs la stagiun 1985/86, suenter in 0:9 ils 10 d'october 1987 a .... Tavau.
Berna – HCD, la mesemna
En la suletta partida da hockey da la mesemna saira ha il HCD pers ordaifer cunter Berna cun 2:3.
Tavau resta uschia sin plazza 9 da la tabella cun 36 puncts ord 26 gieus. Il SC Berna ha da nov 10 puncts dapli e sa chatta vinavant sin plazza 5.
