Siglir tar il cuntegn

Header

cuntegn

National League Tavau dumogna la prova principala

Cunter ils SCL Tigers gudogna il HCD cun 2:1 e realisescha uschia ina buna emprova generala per la Cuppa Spengler. Dominik Egli e Julian Schmutz han fatg ils gols per Tavau.

Cumenzà ha la partida a Langnau mal per il Club da hockey da Tavau. Gia en la segunda minuta van ils Tigers en avantatg, Cody Eakin marca il 1:0. En la 26avla minuta po Dominik Egli dentant egualisar per il HCD. Il gol al resultat final da 2:1 en favur da Tavau croda dentant pir trais minutas avant la fin. Quel fa Julian Schmutz. Ils Tigers han anc prendì or dal gieu lur goli, quai n'ha dentant midà nagut pli vi dal resultat.

Sco proxim la Cuppa Spengler

Cun questa victoria gartegia al HCD l'emprova generala per ses turnier, la Cuppa Spengler da l'emna che vegn. L'emprima partida per ils da Tavau è il mardi ils 27 da december sin il program. L'adversari è l'equipa che perda la partida Sparta Prag cunter Team Canada.

Las ulteriuras partidas dal venderdi saira

  • Bienna – Berna 3:4 suenter prolungaziun
  • Friburg – Genevra 2:1
  • Kloten – Lugano 6:3
  • Losanna – Ajoie 1:2
  • Zug – Lakers 3:4 suenter sajettar penaltis
  • Ambri – ZSC Lions 6:2

Tabella hockey liga naziunala

Avrir la box Serrar la box

Link tar Federaziun da hockey

RTR novitads 23:00

Artitgels legids il pli savens