Siglir tar il cuntegn

Header

cuntegn

National League Victoria per Tavau cunter il davos da la tabella

Il club da hockey da Tavau ha battì Ajoie cun 6:4 ed ha uschia da nov 77 puncts sin ses conto. La decisiun cunter il davos da la tabella è crudada pir en la davosa minuta cun in empty-netter. Gist trais gols en la partida ha Valentin Nussbaumer fatg. Sin l'SC Berna – ch'è plazzà sin posiziun 6 da la tabella, la posiziun che permetta da sa participar als playoffs – ha il HCD mo pli in punct retard. I restan anc trais gieus per sa qualifitgar direct per ils playoffs.

Er giugà mardi saira han las duas equipas da Losanna e Genevra. Là hai dà ina victoria clera per l'euqipa a chasa da Losanna cun 4:0. Uschia ha Losanna segirà la qualificaziun per ils quartfinals dals playoffs.

25-02: Tavau perda cunter Ambri-Piotta

Al HCD n'èsi betg reussì da batter l'equipa tessinaisa. Ordaifer han ils da Tavau pers cun 1:2.

Bain èsi reussì a Nordström da scursanir en la 47avla minuta. Per dapli n'hai betg bastì.

Ulteriuras partidas da sonda saira

  • Berna – Genevra-Servette 4:5 suenter sajettar penaltis
  • Fribourg-Gottéron – Ajoie 0:1
  • Kloten – Lugano 1:2 suenter sajettar penaltis
  • Rapperswil-Jona Lakers – Bienna 5:0
  • ZSC Lions – Losanna 3:1

    Tabella hockey liga naziunala

    Avrir la box Serrar la box

    Link tar Federaziun da hockey

      RTR novitads 22:00

      Artitgels legids il pli savens