La squadra naziunala svizra ha er pers la segunda partida da la Nations League e spetga vinavant sin l'emprima victoria da quest onn. A Lissabon ha il team da Murat Yakin pers encunter il Portugal cun 0:4.
Christiano Ronaldo ha procurà en las minutas avant la pausa per l'avantatg da 3:0 cun dus gols. La Svizra ha gì la pussaivladad en la 5avla minuta. Il gol da Haris Seferovic è però vegnì annullà pervia dad in hands. Per la Svizra èsi la pli gronda terrada dapi il matg 2008 cun in 0:4 encunter la Germania. Cun nulla puncts or da dus gieus è la Svizra entant sin l'utlim plaz en la gruppa 2.
