En Svizra vegnan tut ils gieus da ballape spustads ad interim. Enfin ils 30 d'avrigl na vegnia betg pli giugà en la Super League e la Challange League. Quai ha communitgà l'Associaziun da ballape svizra. Quai en consequenza a las mesiras da la Confederaziun en connex cun il coronavirus.
Gia ier aveva l'associaziun da hockey decis che l'entira stagiun vegna terminada.
Er il ballape internaziunal sto ruassar
Er la UEFA ha spustà oz suentermezdi tuttas partidas da la Champions League e l’Europa League pervia dal coronavirus. Tenor communicaziun vegnia l’Uniun da las Associaziuns europeicas da ballape a discurrer mardi proxim co vinavant. Er en Gronda Britannia, Germania e Frantscha èn ils campiunadis da las duas pli autas ligas interruts.
