Siglir tar il cuntegn

Header

video
Bolshunov gudogna il Tour de ski
Or da Sport-Clip dals 10.01.2021.
laschar ir
cuntegn

Classament final Bolshunov gudogna Tour de ski – Cologna otgavel

Il Grischun Dario Cologna terminescha il Tour de ski sin plaz 8. La cursa en pliras etappas gudogna il Russ Alexander Bolshunov e tar las dunnas l'Americana Jessica Diggins.

Alexander Bolshunov gudogna il classament final dal Tour de ski. En l'ultima cursa sin l'Alpe Cermis è il Russ vegnì segund davos ses cumpatriot Denis Spitsov. Segund en il classament final dal tour vegn Maurice Manificat da la Frantscha avant Denis Spitsov.

Dario Cologna è tar l'ultima etappa vegnì 17avel e terminescha il Tour sco meglier Svizzer sin plaz 8. Pli svelt Svizzer sin la Alpe Cermis è stà questa dumengia Roman Furger. El è stà in pèr secundas pli svelt che Dario Cologna, ed è uschia vegnì 14avel en l'ultima etappa e 29avel en il classement final.

Victoria istorica da Jessica Diggins

Jessica Diggins scriva istorgia dal Tour de Ski. L'Americana gudogna sco emprima betg-europeana la cursa da pliras etappas. Sin l'ascensiun a l'Alpe Cermis n'ha la passlunghista da 29 onns mussà nagina flaivlezza ed è vegnida segunda en l'ultima cursa – ed ha uschia gudagnà il classament general.

La Svizra Nadine Fähndrich ha pudì defender il plaz 11. Laurien van der Graaff ha terminà il Tour de ski sin plaz 35.

video
Resumaziun da l'etappa finala dal Tour de ski
Or da Sport-Clip dals 10.01.2021.
laschar ir

RTR novitads 16:00

Artitgels legids il pli savens

Scrollar a sanestra Scrollar a dretga