Siglir tar il cuntegn

Header

audio
Stäuble: «Die Ansteckungsgefahr ist in der Formel 1 gross»
Or da Sportradio dals 13.03.2020.
laschar ir. Durada: 53 Secundas.
cuntegn

Coronavirus impedescha cursa Spustà cumenzament da furmla 1 a Merlbourne

Il coronavirus ha er consequenzas per la furmla 1. La partenza en la stagiun planisada la fin d'emna a Melbourne è annullada. La furmla 1 ha reagì uschia sin il test positiv d'in mecanist da la squadra da McLaren. Lezza ha gia avant ditg giu il Grond Premi da l'Australia.

Anc betg cler è co i va enavant. La segunda cursa a Bahrain (22 da mars) è gia planisada senza aspectaturs. Il GP a Vietnam dals 5 d'avrigl n'è anc betg cler e gia avant ditg giu era il GP da la China dals 19 d'avrigl.

Coronavirus ha influenza era sin auters sports

En Svizra è suenter il campiunadi dal hockey sin glatsch er rut giu il campiunadi dal unihockey ed il campiunadi dal balla basket. En ils Stadis Unids ha la NHL interrut il manaschi da gieu. En il Canada è ditg giu il campiunadi mundial dal curling da las dunnas ed er il Players Championship, il pli aut dotà turnier da golf dal mund è annullà. Plinavant stat airi il circus dal tennis per almain sis emnas.

Bundesliga interrumpa campiunadi da ballape

Il campiunadi da ballape en la Germania ed en la Frantscha vegnan interruts. Davent il mardi proxim fin almain ils 2 d'avrigl vegnia interrut il manaschi da gieu en l'emprima e segunda Bundesliga, ha communitgà la Federaziun da ballape tudestga DFL. Ils gieus da questa fin d'emna hajan lieu, dentant senza aspectaturs. En Frantscha vegn il manaschi da Ligue 1 e 2 interrut fin almain ils 15 d'avrigl.

video
Disdetgas en survista (tud.)
Or da Sport-Clip dals 12.03.2020.
laschar ir. Durada: 3 minutas 17 Secundas.

RTR novitads 06:00

Artitgels legids il pli savens