Il gol decisiv ha sajettà Benjamin Kololli cun in culp liber suenter radund in'ura. Ch’il gol è resultà uschia ord ina situaziun da standard na saja nagina surpraisa, è stà il commentari dals experts da sport da SRF. Il FCZ haja bain giugà da maniera dominanta, dentant senza creativitad.
Il proxim adversari dal FCZ vegn ad esser ils 4 d’october la squadra da Ludogorez Rasgrad – lura en il Letzigrund. Ludogorez Rasgrad, il champiun bulgar ha dà ord maun en l'auter gieu da la gruppa A in avantatg da 2:0 cunter Bayer Leverkusen ed ha pers cun 2:3.
Las gruppas en survista
- Gruppa A: Leverkusen, Ludogorets Rasgrad, FC Zürich, AEK Larnaca
- Gruppa B: Salzburg, Celtic Glasgow, Leipzig, Rosenborg Trondheim
- Gruppa C: Zenit St. Petersburg, FC Kopenhagen, Bordeaux, Slavia Prag
- Gruppa D: Anderlecht, Fenerbahce, Dinamo Zagreb, Spartak Trnava
- Gruppa E: FC Arsenal, Sporting Lissabon, Karabach, Worskla Poltawa
- Gruppa F: Olympiakos Piräus, AC Milan, Betis Sevilla, F91 Düdelingen
- Gruppa G: Villarreal Rapid Wien, Spartak Moskau, Glasgow Rangers
- Gruppa H: Lazio Rom, Marseille, Eintracht Frankfurt, Apollon Limassol
- Gruppa I: Besiktas Istanbul, Genk, Malmö, Sarpsborg
- Gruppa J: FC Sevilla, FK Krasnodar, Standard Lüttich, Akhisar Belediyespor
- Gruppa K:Dynamo Kiew, FK Astana, Stade Rennes, FK Jablonec
- Gruppa L: FC Chelsea, PAOK Saloniki, BATE Borissow, Vidi FC
RR novitads 06:00
