Suenter l'emprima mesadad eri pari 0:0. Ils giasts da l'Engalterra han gì dapli schanzas. Duas giadas han els be tutgà la latta respectivamain la pitga dal gol.
En la segunda mesadad han ils da Basilea mussà ina ferma reacziun e gì dapli da la partida. En la 89avla minuta ha Michael Lang sajettà il gol decisiv per Basilea.
En la tabella è il FCB uschia vinavant sin il segund plaz davos Manchester United.
Er Moscau gudogna
En l'ulteriura partida da la gruppa A ha ZSKA Moscau gudagnà cunter Benfica Lissabon cun 2:0. Grazia a questa victoria han ils Russ medem bler puncts sco Basilea.
Sco proxim frunta il FC Basilea ordaifer sin Benfica Lissabon. Ils Portugais han fin uss pers mintga partida da la fasa da gruppas. ZSKA Moscau gioga en la davosa runda ordaifer cunter Manchester United.
RR novitads 23:00