Final - Team Canada gudogna per la 16avla giada Cuppa Spengler - Sport

Final Team Canada gudogna per la 16avla giada Cuppa Spengler

Els gudognan el final cun 4:0 cunter Ocelari Trinec da la Tschechia.

Autur: Gian Carlo Candinas

La decisiun è crudada en il segund terz. Cun blers chastis ha Trinec fatg grev la vita a sasez. Il Team Canada ha ditg grazia e gist sajettà trais gols en il powerplay.

video

3 gols en 4 minutas

Or da Sport-Clip dals 31.12.2019.

laschar ir. Durada: 2 minutas 7 Secundas.

En l'ultim terz è anc gartegià als Americans dal nord il 4:0 ed uschia la decisiun definitiva. En las ultimas ha l'equipa da Trinec anc empruvà tut dad almain sajettar in gol, dentant senza success.

Cun 16 titels è il Team Canada da nov campiun da record da la Cuppa Spengler.

video

Craig McTavish: «Nus avain gì cletg che nus n'avain betg stuì giugar tants gieus» (engl.)

Or da Sport-Clip dals 31.12.2019.

laschar ir. Durada: 52 Secundas.

Avant il gieu

Per la 16avla giada è il Team Canada stà en il final da la Cuppa Spengler. Per la Tschechia è Trinec per l'emprima giada dapi 15 onns da la partida. Cler favurit per gudagnar la Cuppa Spengler èn ils Canadais. Lezs han persvadì tochen enfin qua dad A-Z ed avevan festivà trais victorias da gala. Il Team Canada ha uschia la schanza da gudagnar ses 16avel titel. Cunquai fissan els il victur da record.