Lara Gut gudogna e maina en il classament general

La Tessinaisa gudogna la cursa rapida a La Thuile en l'Italia. Perquai che sia pli gronda contrahenta, Lindsey Vonn, è cupitgada, è Lara Gut er puspè a la testa dal classament general.

La skiunza svizra Lara Gut. Bild in Lightbox öffnen.

Legenda da maletgs: Lara Gut dominescha la concurrenza a La Thuile. Keystone

Cun in avantatg da 1,02 secundas sin il segund plaz gudogna Lara Gut la cursa rapida a la Thuile. L'Austriaca Cornelia Hütter e la Taliana Nadia Fanchini cumpletteschan il podest. Fabienne Suter vegn quarta.Ella manchenta il podest per 0,14 secundas. Corinne Suter vegn suenter sia cupitgada da Garmisch 12avla.

Per Gut èsi la 6avla victoria da questa stagiun. L'Americana Lindsey Vonn è crudada or. Uschia maina Lara Gut er puspè en il classament general cun 13 puncts avantatg sin Lindsey Vonn.

Damaun suonda a La Thuile in'ulteriura cursa rapida; la dumengia lura in Super-G.

RR novitads 14:00