Siglir tar il cuntegn

Header

Navigaziun

cuntegn

Naziunal/Internaziunal Marco Odermatt segund a Soldeu

Pli spert ch'il Svizzer en l'ultim slalom gigant da la stagiun è be stà il Franzos Alexis Pinturault.

Il segund percurs da Marco Odermatt

Marco Odermatt persvada a Soldeu en l'Andorra. In'emna suenter ses emprim plaz da podest a Kranjska Gora daventa el segund en l'ultim slalom gigant. Sin il victur Alexis Pinturault ha il giuven da 21 onns pers 0,44 secundas. Il Sloven Zan Kranjec cumplettescha il podest.

Ils ulteriurs Svizzers

Puncts hai er dà per Loïc Meillard sco 10avel e Cédric Noger sco 12avel. Nagins puncts n'hai dà per Gino Caviezel ch'ha terminà la cursa sin il 19avel plaz.

Culla per Hirscher

La culla pitschna da la disciplina ha gudagnà l'Austriac Marcel Hirscher. La cursa ha el terminà sin il 6avel plaz.

Neureuther chala

Il Tudestg Felix Neureuther terminescha sia carriera. Il slalom da damaun vegnia ad esser sia ultima cursa. Quai ha annunzià il skiunz da 34 onns via las raits socialas. Cun 13 victorias en la cuppa mundiala è Neureuther il skiunz tudestg cun las pli bleras victorias. En pli ha el gudagnà tschintg medaglias a campiunadis mundials.

RR novitads 14:00