Ella saja fitg leda da puspè star sin ils skis, ha scrit Michelle Gisin en las raits socialas. La skiunza svizra da 23 onns era cupitgada tar in trenament per il slalom gigant a Sölden en l'Austria. En consequenza ha ella manchentà l'entschatta da la nova stagiun da la cuppa mundiala.
Ses pli grond success fin uss ha Gisin festivà als campiunadis mundials a San Murezzan 2017. En la cumbinaziun ha ella gudagnà argient suenter sia cumpatriota Wendy Holdener ch'ha gudagnà aur. Dus mais avant ha Gisin festivà ses emprim plaz da podest en la cuppa mundiala.
RR novitads 23:00