En la quarta partida da la stagiun è reussì al HCD la segunda victoria da la stagiun. Cunter Losanna gudognan ils da Tavau gist cun 1:7. Losanna n'ha gì questa saira nagina schanza cunter la squadra grischuna. Suenter 9 minutas ha Tedenby sajettà il HCD en avantatg cun 1:0. Cun quest resultat èsi alura er ì en l'emprima pausa.
Suenter pausa è il HCD alura vegnì cleramain pli ferm ord la cabina. Entaifer be 2 minutas han Jung e Rantakari pudì auzar il resultat sin 3:0. Da questa dubletta n'èn ils giugaders da Losanna betg pli vegnids da sa revegnir ed han anc survegnì en il segund terz dus ulteriurs gols. A la fin è sa resultà ina clera victoria da 7:1. Suenter la segunda victoria da la stagiun sa chatta il HCD da nov sin plazza 11 da la tabella. Quai dentant cun 1 punct retard sin il stritg – malgrà che Tavau ha giugà almain duas partidas pli pauc che las ulteriuras squadras.
Ils ulteriurs resultats:
- Bienna – Lugano 3:4 s.p.
- Genevra-Servette – Friburg 2:3 s.p
- Lakres – SCL Tigers 1:2
- ZSC Lions – Ambri-Piotta 5:3
- Zug – Berna 5:2
Hockey tabella liga naziunala A
| gieus | gols | puncts | ||
| 1. | Zug | 49 | 146:120 | 90 |
| 2. | ZSC Lions | 49 | 162:123 | 88 |
| 3. | Tavau | 49 | 154:139 | 86 |
| 4. | Genevra | 49 | 134:115 | 86 |
| 5. | Bienna | 49 | 149:140 | 78 |
| 6. | Friburg | 49 | 121:130 | 73 |
| 7. | Losanna | 49 | 133:129 | 72 |
| 8. | Lugano | 49 | 124:135 | 69 |
| 9. | Berna | 49 | 129:139 | 68 |
| 10. | Ambri | 49 | 116:135 | 60 |
| 11. | SCL Tigers | 49 | 113:146 | 60 |
| 12. | Lakers | 49 | 126:156 | 52 |
RR novitads 22:00
