Duas victorias norvegiaisas datti tar las emprimas cursas da la Cuppa mundiala dal passlung questa fin d'emna en la Finlanda a Kuusamo. Therese Johaug gudogna oz la cursa da persecuziun sur 10 kilometers e daventa era victura da la mini-tour da Kuusamo. Il medem gartegia a Johannes Klaebo che vegn emprim en la cursa da persecuziun sur 15 kilometers. Er el gudogna il classament da la mini-tour.
Meglier Svizzer en il classament da la mini-tour è Dario Cologna sco 30avel, meglra Svizra Nadine Fähndrich sin rang 24.