Siglir tar il cuntegn

Header

Toni Livers.
Legenda: Toni Livers daventa trenader assistent dals juniors e las junioras U 23. Keystone
cuntegn

Passlung Toni Livers daventa trenader assistent

Il Sursilvan Toni Livers daventa trenader assistent da las passlunghistas e dals passlunghists U23. Quai ha communitgà Swiss Ski. Livers ch'è sa retratg questa primavaira dal sport d'elita è responsabel per ils juniors ensemen cun Peter von Allmen.

Er Cologna&Co cun nov trenader

purtret da Kein Einaste, trenader da passlung
Legenda: Kein Einaste il nov trenader da la gruppa enturn Dario Cologna. Keystone

Kein Einaste è il nov trenader dals passlunghists Dario Cologna e cumpagnia. L'Eston da 35 onns lavura dapi il 2018 sco trenader dals umens tar Swiss Ski. Fin uss ha el trenà l'equipa dals sprinters. Uss datti dentant mo anc in'equipa da la cuppa mundiala. - Einaste suonda ad Ivan Hudac. Il Slovac è danov responsabel per l'equipa svizra da las dunnas. Vitiers surpiglia Hudac er incumbensas en la sparta coordiaziun da las gruppas da trenament.

RTR novitads 17:00