Siglir tar il cuntegn

Header

audio
Prevista 2021: Blers eveniments gronds da sport
Or da Actualitad dals 06.01.2021.
laschar ir. Durada: 03:24 minutas.
cuntegn

Prevista 2021 Puncts culminants dal sport

L'onn 2020 è stà in onn che bleras occurrenzas da sport èn vegnidas annulladas e stuschadas pervi dal coronavirus. Er il 2021 è il mund da sport anc lunsch davent da la normalitad. Il chalender è dentant emplenì cun numerus puncts culminants:

  • Dals 8 fin ils 21 da favrer vegn manà atras a Cortina en l'Italia il campiunadi mundial da skis. Avant dus onns ad Are ha la Svizra recaltgà quatter medaglias. Cun la furma actuala da las atletas ed atlets svizzers è segir anc dapli pussaivel a Cortina.
  • Strusch ch'il campiunadi mundial alpin è a fin cumenza gia quel dals sportistis nordics ad Oberstdorf – quai dals 23 da favrer fin ils 7 da mars. A l'ultim campiunadi mundial a Seefeld hai dà ina medaglia svizra. Cler che Cologna e co. vulan far dapli furora ad Oberstdorf.

Perquai che tut è crudà en l'aua la stad 2020 è la stad da quest onn emplenida cun eveniments gronds.

  • Dals 11 da zercladur fin ils 11 da fanadur ha lieu il campiunadi mundial d'Europa da ballape. La finamira da la Svizra è da finalmain far il pass en in quartfinal d'in turnier grond. Spezial: Il campiunadi d'Europa vegn dà en 11 differentas terras.
  • Tokio, la pli gronda metropola dal mund, è lieu ospitant dals gieus olimpics. E quai dals 23 da fanadur fin ils 8 d'avust. En 51 disciplinas vegn cumbattì per medaglias durant bun duas emnas. In dals gronds trumfs svizzers: Nino Schurter.

Tuttas previstas 2021 sin in'egliada

Avrir la boxSerrar la box

RTR actualitad 12:00

Artitgels legids il pli savens

Scrollar a sanestra Scrollar a dretga