Siglir tar il cuntegn

Header

cuntegn

Snowboard: Slalom parallel Duas plazzas da podest per Svizras

Las snowboardistas svizras han cumenzà ferm la nova stagiun. En l'emprim slalom parallel da la stagiun en la Russia ha Julie Zogg gudagnà. Ladina Jenny è terza.

Il podest

  1. Julie Zogg (SUI)
  2. Selina Jörg (GER)
  3. Ladina Jenny (SUI)

Ulteriuras Svizras: 11. Patrizia Kummer. Out en la qualificaziun: Jessica Keiser

Per Julie Zogg, ch'è campiunessa mundiala, è quai la terza victoria en ina cursa da la cuppa mundiala. En il final ha ella battì la tudestga Selina Jörg ch'aveva gudagnà il mezfinal cunter Ladina Jenny.

Umens svizzers senza schanza

Ils umens svizzers n'han gì nagina schanza cunquai ch'ils leaders da l'equipa Dario Caviezel e Nevin Galmarini eran betg da la partida pervi da blessuras.

RTR novitads 12:00

Artitgels legids il pli savens