Siglir tar il cuntegn

Header

Navigaziun

cuntegn

Naziunal/Internaziunal Stefan Luitz survegn enavos sia victoria

Stefan Luitz dastga puspè sa numnar victur d'ina cursa da la cuppa mundiala. Il skiunz tudestg ha gì success avant la curt penala da sport CAS a Losanna.

Il skiunz Stefan Luitz.
Legenda: Uss po Stefan Luitz puspè sa legrar da sia victoria a Beaver Creek il december passà. Keystone

L'entschatta da la stagiun aveva Stefan Luitz gudagnà in slalom gigant a Beaver Creek. La FIS aveva dentant constatà ch'el aveva respirà oxigen entras ina mascra. Silsuenter ha ella disqualifitgà el.

Betg las medemas reglas

Stefan Luitz era sa defendì cun l'argument che respirar oxigen saja lubì explicit da l'agentura anti-doping WADA. I dettia pia ina cuntradicziun tranter las reglas da la FIS e da la WADA. Ch’el cuntrafetschia a las reglas da la FIS, da quai na saja el perquai betg stà cunscient.

RR novitads 16:00