La victoria va a Kuusamo al Norvegiais Johannes Kläbo. El distanziescha ils dus Russ Alexej Tscherwotkin ed Alexander Bolschunow, per 15 respectiv 18 secundas.
Ils passlunghists svizzers perdan ina minuta e mesa e dapli sin il victur tar la cursa da la cuppa mundiala sur 15 kilometers stil classic, a Kuusamo en la Finlanda.
- Meglier Svizzer è Dario Cologna sco 29avel
- Beda Klee vegn gist suenter Cologna, sin plaz 30
- Jonas Baumann daventa 35avel
Er tar ils 10 km stil classic da las dunnas n'han las atletas svizras betg pudì cumbatter per ils plazs a la testa da la rangaziun.