Tomislav Stipic è il nov trenader dals Grasshoppers Turitg. Il Croat da 39 onns ha stuttascrit tar GC in contract fin il zercladur 2020 e duai impedir ch'il davos da la tabella en la Super League vegnia relegà. Pir da curt aveva GC relaschà tant ses trenader Thorsten Fink sco er il schef da sport Mathias Walther.
Stipic è stà activ en Germania. Cun Erzgebirge Aue è el crudà en la terza liga. Suenter ha el surpiglià ils Stuttgarter Kickers - n'ha dentant betg pudì evitar che quels èn vegnids relegads fin en la liga regiunala.
RR novitads 14:00
