Sco Swiss Unihockey ha communitgà saja la decisiun uss crudada. Seraina Ulber terminescha definitivamain sia carriera. Ulber ha en sia carriera tranter auter gudagnà cun Piranha Cuira set giadas il titel campiun svizzer e trais giadas la Cuppa svizra.
video
«La pli bella fin, ch'ins avess pudì giavischar»
Or da Sport-Clip dals 15.12.2019.
laschar ir. Durada: 1 minuta 24 Secundas.
Ses davos punct culminant da la carriera è stada la medaglia d'argient al campiunadi mundial il december passà a Neuchâtel. Malgrà avair pers il final encunter il grond favurit la Svezia (2:3 suenter la prolungaziun) è quai franc stà in dals puncts culminants insumma en la carriera da Ulber. Tut en tut ha la Grischuna giugà 105 gieus per l'equipa naziunala svizra, quai dal 2009 fin il 2019. En quest decenni ha Seraina Ulber gudagnà 5 medaglias a campiunadis mundials.
