En la plievgia da Pristina en il Cosovo è la naziunala svizra sa qualifitgada per il proxim grond turnier, il campiunadi mundial da ballape il 2026 en ils Stadis Unids, il Canada ed il Mexico. Segirà la qualificaziun ha l'equipa da Murat Yakin cun in pari dad 1:1 encunter il Cosovo.
Il gieu è plitost stà in ademplir ils duairs ch'ina delicatessa da ballape. La naziunala svizra n'è betg vegnida da transfurmar il possess da la balla en gols. Sulettamain avant il gol da Ruben Vargas curt suenter la pausa hai dà dapli tempo en la partida. A Florent Muslija èsi però reussì da egualisar la partida en la 73avla minuta e quai cun in sajet da distanza.
Sisavla qualificaziun a campiunadis mundials
Quai è la sisavla giada en roda che la naziunala svizra sa qualifitgescha per in campiunadi mundial. Questa seria aveva cumenzà il 2006 cun la participaziun al turnier en la Germania. Il campiunadi mundial da ballape da proxima stad ha lieu per l'emprima giada cun 48 equipas. Ils pajais ospitats èn ils Stadis Unids, il Canada ed il Mexico.
