Tge success per il lutgader grischun Armon Orlik. Suenter quatter onns ha il lutgader grischun puspè ina giada gudagnà la festa da lutga da la Svizra dal Nordost, il NOS. Avant la pandemia da corona aveva il lutgader grischun gia gudagnà tais giadas l’inscunter dals megliers lutgaders da la Svizra dal Nordost. Dumengia a Mollis èsi puspè ina giada sta uschè enavant. En la lutga finala ha Armon Orlik bittà Domenic Schneider en il resgim. Sper Armon Orlik ha er Christian Biäsch da Tavau Sertig persvadì. El ha gudagnà il segund cranz per la delegaziun grischuna.
Cun in zichel fortuna fiss stà pussaivel anc dapli
Il livel da lutga tar ina festa da lutga sur chantunala e aut, uschia er il livel per gudagnar in cranz. Tar la festa da lutga da la Svizra dal Nordost e la marca stada tar 56.50 puncts. Manchentà quella marca mo per in mez punct ha Janik Korrodi, il lutgader dal chantun Turitg che parta gia dapi in per onns per il chantun Grischun. El è rangà sin plazza diesch. Er manchentà il cranz per in punct ha Marc Jörger da Domat. El è rangà sin plazza dudesch.
Premiera da Flurin Alesch Felix
Anc avant in per paucs dis na saveva Flurin Alesch Felix gnanca ch’el sa far part a la festa NOS a Mollis. Il trenader dals lutgaders grischuns, Stefan Fausch ha dentant nominà er el. Per il giuven lutgader engiadinais è quai sa chapescha stà ina premiera.
Anc mai n'ha el pudì far la lutga encunter ina tala concurrenza, ed anc mai n'ha el pudì far la lutga en ina sumeglianta culissa sco tar il NOS a Mollis. El ha savì far quatter lutgas ed ha alura pudì ir a far la duscha. Per Flurin Alesch Felix e quai en emprima lingia i per ramassar experientschas. Suenter la participaziun è quai uss segir uschia.
Il defensur dal titel ha mancà
Gia suenter las emprimas lutgas avantmezdi è Orlik ì sco leader da la rangaziun intermediara en la pausa. Ed Orlik ha alura er gudagnà duas ulteriuras lutgas il suentermezdi. Uschia ch'il Grischun ha fatg meritadamain il pass en la lutga finala.
Samuel Giger dal chantun Son Gagl ch’ha gudagnà trais giadas en seria la lutga da la Svizra dal nordost è ferì e na n'ha betg pudì esser da la partida. Uschia ch'i ha dà in nov retg dil NOS. Gist 14 lutgaders cun cranz federal èn stads da la partida tar l’emprim inscunter dals «gronds» durant questa stagiun.
Quai èn stads ils favurits
Ils pli gronds favurits sin la curuna dal NOS èn stads Pirmin Reichmuth da Zug, Damian Ott da Wil ed il lutgader grischun Armon Orlik. Durant ils ultims sis onns han Armon Orlik e Samuel Giger, pia dus lutgaders or da la federaziun dil NOS gudagnà l’atgna festa.
Or da l'archiv:
