In’emna suenter ch’el ha gudagnà a Berlin ha Marcel Hug era gudagnà il maraton a Londra. Suenter 1:24:38 ha il Svizzer da 36 onns cuntanschì l’arrivada, duas secundas avant l’American Daniel Romanchuk. Era a Berlin è Romanchuk vegnì segund, alura dentant cun quatter minutas retard.
Era Catherine Debrunner ha finì sia cursa sco emprima. La Turgoviana ha gudagnà cun in temps da 1:38:24. Segunda è vegnida l'Americana Sosannah Scaroni cun bunamain quatter minutas retard.
Per Debrunner èsi pir stà il segund maraton insumma en sia carriera. L'emprim è stà avant in'emna a Berlin – e direct l'emprima victoria. L'atleta da 27 onns ha era ils records mundials tar las cursas en sutga cun rodas sur 100 m, 200 m, 400 m ed 800 m .
