Gist trais medaglias d'aur han las atletas ed ils atlets svizzers gudagnà oz als gieus paralimpics a Tokio.
Marcel Hug ha gudagnà sur 800 meters, Manuela Schär e Catherine Debrunner han gudagnà sur 400 meters, ma en differentas categorias da sutga cun rodas. Per Hug èsi gia il terz titel als paralimpics a Tokio, per Schär èsi il segund.
Duas ulteriuras medaglias
Plinavant hai dà ina medaglia da bronz per Nora Meister en il nudar ed Elena Kratter ha fatg la medaglia d'argient en il sigl en lung.
