Siglir tar il cuntegn

Header

video
Hug gudogna aur en il maraton
Or da Sport-Clip dals 05.09.2021.
laschar ir
cuntegn

Paralimpics Medaglias 13 e 14 per la Svizra

L’ultim di dals gieus paralimpics a Tokio hai dà duas ulteriuras medaglias per la Svizra: Marcel Hug ha gudagnà aur en il maraton. Per il sportist en sutga cun rodas èsi gia sia quarta medaglia dad aur a Tokio. En il maraton da las dunnas ha Manuela Schär gudagnà la medaglia d’argient. Per ella èsi stà la tschintgavla medaglia, la terza d’argient.

Surpassà las spetgas

Ils paralimpics van oz a fin cun la ceremonia da finiziun. La Svizra ha gudagnà en tut 14 medaglias, da quai 7 giadas aur, 4 giadas argient e 3 giadas bronz. En la survista da medaglias figurescha la Svizra uschia sin il 19avel plaz. Dapi 25 onns n'han atletas ed atlets svizzers betg gudagnà dapli medaglias a gieus da stad.

RTR novitads 06:00

Artitgels legids il pli savens

Scrollar a sanestra Scrollar a dretga