L'attatgader franzos Wilfried Kanga va da la Super League tar Hertha Berlin en la Bundesliga, e quai per immediat. Quai communitgeschan ils Young Boys. Tge summa ch'è involvida cun midar club n'è betg enconuschent.
Kanga è arrivà avant in onn en Svizra, senza che YB ha stuì pajar insatge al club vegl. En 45 gieus ha el sajettà 19 gols, e vitiers dà 6 assists. La nova stagiun da la Super League ha l'attatgader da 24 onns cumenzà persvadent, cun far 3 gols en ils dus emprims gieus.
Gia avant che la stagiun ha cumenzà avevan ils Young Boys laschà ir Jordan Siebatcheu tar il rival da Hertha en la chapitala tudestga, Union Berlin. Lez è stà il meglier sajettagols da YB la stagiun passada.
