Il quatter-dubel campiun olimpic Dario Cologna mussa sco 14avel ina buna prestaziun en sia ultima cursa sin palancà olimpic. Pir sin ils ultims 10 kilometers ha el pers il contact cun la gruppa a la testa. En l'arrivada ha il Jauer gì in retard da radund duas minutas sin il victur Alexander Bolschunov.
Ils Svizzers:
- 11. Roman Furger, +1:52,1 minutas
- 14. Dario Cologna, +1:58,4
- 17. Jason Rüesch, +3:15,7
- 22. Candide Pralong, +3:17,8
Las medaglias:
- Alexander Bolschunow (ROC), 1:11:32,7 uras
- Ivan Jakimuschkin (ROC), +5,5 secundas
- Simen Hegstad Krueger (NOR), +7,0
Alexander Bolschunow ha cun quai fatg sia terza medaglia d'aur a Peking e sia 9avla medaglia olimpica insumma. En la davosa part da la cursa ha el accelerà ferm e laschà la concurrenza davos el. Il pli grond concurrent da Bolschunow, Johannes Hösflot Kläbo, ha stuì rumper giu la cursa suenter 20 kilometers.
30 enstagl da 50 kilometers
L’ultima cursa da passlung dals umens als gieus olimpics a Peking è vegnida scursanida da 50 sin 30 km, stil skating. Quai pervi da l’aura extrema cun vent e temperaturas fitg bassas. Ins haja decis quai uschia en il senn da la segirezza dals atlets, han communitgà ils responsabels da la cursa.
