Jessie Diggins gudogna tar la finiziun da la stagiun da passlung. A Falun en la la partenza da massa sur 20 kilometers skating è l'Americana stada la pli svelta. Las Svizras n'han betg pudì persvader, la Grischuna Nadja Kälin è vegnida 40avla, Nadine Fähndrich 47avla.
Kälin ha gì 3 minutas retard sin Diggins, Fähndirch 3 minutas e 47 secundas, ed lur collega da team Anja Weber ha fatg il 54avel plaz. Per Diggins èsi la segunda victoria en il classament general da passlung. Gia avant la runda finala ha ella cuntanschì quai cun puncts da bonus. Igl è il 20avel success en la cuppa mundiala per Diggins. Sin plazza dus e trais a Falun suondan las norvegiaisaas Heidi Weng ed Anne Kjersti Kalvaa.
Amundsen va per la culla
Tar ils umens va Harald Amundsen per la gronda culla en il classament general. A Falun persvada er in Norvegiais, Johannes Kläbo gudogna la settavla giada en seria. Il meglier resultat svizzer fa Cyril Fähndrich cun il 16avel plaz. Fabrizio Albasini è vegnì 20avel, Jonas Baumann 41avel sur 20 kilometers skating.
