En la cursa da passlung da 10 kilometers en il stil classic n'han las trais atletas svizras gì nagina schanza. Nadine Fähndrich, ch'aveva anc manchentà mesemna per pauc ina medaglia olimpica en il sprint sco 5avla, è vegnida gievgia sur 10 kilometers 22avla cun in retard da passa duas minutas. La Grischuna Nadja Kälin da San Murezzan ha pers passa 3 minutas ed ha terminà la cursa sin plazza 43.
Las Svizras
- 22. Nadine Fähndrich
- 43. Nadja Kälin
- 55. Anja Weber
Las medaglias
- Therese Johaug (Norvegia)
- Kerttu Niskanen (Finlanda)
- Krista Parmakoski (Finlanda)
Gudagnà ha Therese Johaug da la Norvegia
Per la passlungista Therese Johaug èsi gia la segunda medaglia dad aur. Suenter il skiatlon ha la Norvegiaisa er gudagnà als gieus olimpics a Peking la cursa da 10 kilometers en il stil classic. Johaug ha battì piz a cup la Finlandaisa Kerttu Niskanen per sulet 0,4 secundas. Cumplettà il podest sco terza ed uschia gudagnà bronz ha cun Krista Parmakoski in’ulteriura curridra da la Finlanda.
