Siglir tar il cuntegn

Header

cuntegn

Passlung Nagina schanza per las Svizras

En la cursa da passlung da 10 kilometers en il stil classic n'han las trais atletas svizras gì nagina schanza. Nadine Fähndrich, ch'aveva anc manchentà mesemna per pauc ina medaglia olimpica en il sprint sco 5avla, è vegnida gievgia sur 10 kilometers 22avla cun in retard da passa duas minutas. La Grischuna Nadja Kälin da San Murezzan ha pers passa 3 minutas ed ha terminà la cursa sin plazza 43.

audio
Nadja Kälin ha manchentà oz in plaz en ils top 30
aus RTR Audio vom 10.02.2022.
abspielen. Laufzeit 52 Sekunden.

Las Svizras

  • 22. Nadine Fähndrich
  • 43. Nadja Kälin
  • 55. Anja Weber

Las medaglias

  1. Therese Johaug (Norvegia)
  2. Kerttu Niskanen (Finlanda)
  3. Krista Parmakoski (Finlanda)

Gudagnà ha Therese Johaug da la Norvegia

Per la passlungista Therese Johaug èsi gia la segunda medaglia dad aur. Suenter il skiatlon ha la Norvegiaisa er gudagnà als gieus olimpics a Peking la cursa da 10 kilometers en il stil classic. Johaug ha battì piz a cup la Finlandaisa Kerttu Niskanen per sulet 0,4 secundas. Cumplettà il podest sco terza ed uschia gudagnà bronz ha cun Krista Parmakoski in’ulteriura curridra da la Finlanda.

video
Niskanen na po betg tschiffar Johaug per 0,4 secundas
Or da Beijing 2022 Clips dals 10.02.2022.
abspielen. Laufzeit 29 Sekunden.

RTR novitads 10:00

Artitgels legids il pli savens

Scrollar a sanestra Scrollar a dretga