Il Sursilvan Toni Livers daventa trenader assistent da las passlunghistas e dals passlunghists U23. Quai ha communitgà Swiss Ski. Livers ch'è sa retratg questa primavaira dal sport d'elita è responsabel per ils juniors ensemen cun Peter von Allmen.
Er Cologna&Co cun nov trenader
Kein Einaste è il nov trenader dals passlunghists Dario Cologna e cumpagnia. L'Eston da 35 onns lavura dapi il 2018 sco trenader dals umens tar Swiss Ski. Fin uss ha el trenà l'equipa dals sprinters. Uss datti dentant mo anc in'equipa da la cuppa mundiala. - Einaste suonda ad Ivan Hudac. Il Slovac è danov responsabel per l'equipa svizra da las dunnas. Vitiers surpiglia Hudac er incumbensas en la sparta coordiaziun da las gruppas da trenament.