Siglir tar il cuntegn

Patinadi artistic Alexia Paganini vegn 22avla – aur va en Russia

La patinunza artistica svizra, Alexia Paganini, è vegnida 22avla. En l'exercizi liber («Kür») n'ha ella betg pudì persvader. Ella perda schizunt anc intgins rangs – suenter il program curt è la giuvna da 20 onns 19avla. A la fin ha la giuvna cun ragischs Grischunas fatg 168,91 puncts. Quai è in toc pli pauc che sia meglra prestaziun, ch'ella ha fatg durant il Campiunadi europeic 2020 (192,88 puncts).

Las medaglias:

  1. Anna Schtscherbakowa, Federaziun olimpica da la Russia, 255.95 puncts
  2. Alexandra Trussowa , Federaziun olimpica da la Russia, 251,73
  3. Kaori Sakamoto, Giapun, 233,13

Kamila Waljewa, la Russa ch'era a la testa suenter il program curt, è daventada quarta. Durant ses exercizi liber («Kür») è ella crudada pliras giadas. Tar ella hai dà suspects da doping.

Qualificaziun dad Alexia Paganini

En il program curt ha ella fatg 61,06 puncts. Quai è dentant 7 puncts pli pauc che tar sia meglra prestaziun avant dus onns tar il Campiunadi europeic.

RTR novitads 17:00

Artitgels legids il pli savens