Suenter che Nadine Fähndrich ha adina puspè gì problems tar cursas da distanza e suenter ch'ella ha stuì dar si la cursa cun partenza da massa al cumenzament da favrer a Canmore en il Canada, ha ella laschà sclerir ses stadi da sanadad. Las controllas han mussà ch'ella haja disturbis dal ritmus dal cor. Quests sajan benign, dentant restrenschan quests problems la prestaziun sportiva.
Per quest motiv ha Nadine Fähndrich decidì ensemen cun il stab da medis e tgirunz da Swiss-Ski da laschar tractar quai ils proxims dis. La Lucernaisa vegn perquai ad interrumper la stagiun actuala. Previs è ch'ella returna per las ultimas cursas da la cuppa mundiala da la stagiun.
