Ils frars Reto e Jan von Arx prolungheschan lur contract da trenaders tar l'EHC Cuira per dus onns – enfin la stagiun 2025/26. Sco quai ch'il club scriva, possian ins uschia cuntinuar cun la strategia da returnar al sport professiunal. L'EHC Cuira è a la testa da la tabella en la MyHockey League ed è gia qualifitgà per ils playoffs, che cumenzan ils 24 da favrer
Il club introducescha sin l'autra stagiun era in nov team da sport ch'è responsabel per tut quai che pertutga l'emprima equipa. Responsabel per quest team daventa Björn Gerhard, ch'è fin uss stà trenader assistent. L'actual schef da sport, Roger Lüdi, fetschia sin agen giavisch in pass enavos e restia part dal team da sport, en ina funcziun da sustegn.
