En la tschintgavla partida da la qualificaziun per il campiunadi europeic da ballape da l'auter onn ha la Svizra fatg ordaifer cunter il Cosovo in pari da 2:2. La Svizra manava enfin tar il temp supplementar cun 2:1. En la 94avla minuta ha Vedat Muriqi egualisà al 2:2. Gia cunter la Rumenia han ils Svizzers cassà il pari en il temp supplementar.
En la gruppa da la Svizra han ultra da quai l'Andorra ed il Belarus fatg in pari da 0:0 e La Rumenia e l'Israel han era fatg in pari dad 1:1.
En la tabella resta il team da Murat Yakin a la testa cun 11 puncts avant la Rumenia cun 9 puncts e l'Israel cun 8 puncts.
Sco proxim frunta la Svizra l’auter mardi a chasa sin l’Andorra.
