Siglir tar il cuntegn

Header

cuntegn

Rangaziun da WTA Jil Teichmann l'emprima giada sut las top 50

Jil Teichman tutga suenter ch'ella ha dumagnà en il mezfinal da Dubai tar las meglras 50 dunnas dal tennis. Ella ha fatg il sigl dal plazz 54 sin plaz 41 da la rangaziun mundiala.

Per la 12avla da la rangaziun mundiala, Belinda Bencic, resta senza consequenza ch'ella è crudada or gia baud dal turnier. Duas Svizras en ils top 50 ha la Svizra gì sco ultim avant 5 onns, cun Belinda Bencic e Timea Bacsinszky.

Tar ils umens è uss vegnida rutta la regenza dals «Big Four» sin ils emprims dus plazs da la rangaziun mundiala. Daniil Medwedew, il finalist da l'Australian Open e victur da Marseille en las ultimas emnas, ha stuschà Rafael Nadal da plaz dus davos Novak Djokovic.

Il Russ da 25 onns è dapi Leyton Hewitt avant 16 onns l'emprima persuna sin plaz 2, che na sa numna betg Djokovic, Nadal, Roger Federer u Andy Murray. Federer resta suenter ses comeback a Doha sin plaz 6.

RTR novitads 12:00

Artitgels legids il pli savens