Siglir tar il cuntegn

Header

cuntegn

100 onns HCD Di da las portas avertas tar il HCD

4'000 persunas han visità la nova halla da glatsch da Tavau. Al di da las portas avertas era la populaziun envidada da vegnir a guardar il nov bischu dal Club da hockey da Tavau.

Durant trais onns han ins renovà la halla da glatsch da Tavau. Per 25 milliuns francs hai dà novas tribunas, novas gardarobas, nova infrastructura per il sport da hockey, nova tecnica ed ina passarella che colliescha da nov ils differents secturs en la halla da glatsch. Er la lunga istorgia dal campiun da record è vegnida messa en ina nova glisch. Dals principis cun la fundaziun dal club l’onn 1921, fin tar ils success en seria durant ils onns tschuncanta, fin tar la pli giuvna istorgia dal HCD cun ils titels gudagnads sut Arno del Curto, è tut documentà ed exponì.

audio
Di da las portas avertas tar il HCD
03:03 min, Actualitad dals 13.09.2021.
laschar ir. Durada: 03:03 minutas.

4'000 visitaders al di da las portas avertas

L’interess per la halla da glatsch a Tavau, per la nova infrastructura e per l’istorgia dal HCD è stà grond. Grond e pitschen, giuven e vegl ha pudì far ina tura tras la nova halla e vesair co ch’il concept dad ina halla d’eveniments è vegnì realisà dals architects. Era la gastronomia en la halla da glatsch ha da nov tut ina autra plattafurma sco fin da qua. Dal simpel stan da liongias, fin tar la gastronomia elevada ha uss tut sia plazza en la nova halla da glatsch a Tavau.

Inauguraziun cun ina victoria

La nova halla da Tavau è vegnida inaugurada cun in classicher. Il HCD ha dà il bainvegni al SC Berna. Ed il giast da la chapitala è vegnì cun la turta e las flurs per il giubileum. Il HCD ha gudagnà la partida d’avertura cun 3:1 encunter il SCB.

RTR actualitad 07:00

Artitgels legids il pli savens

Scrollar a sanestra Scrollar a dretga