Il turnier Grond Premi da Scuol ha ina gronda tradiziun. Il turnier sut tschiel avert sin l’areal dal center da sport Trü a Scuol datti gia dapi trenta onns. Numerus amis dal sport da curling han gia bittà in crap da curling sur il glatsch da Trü. E nundumbraivlas equipas han gia cumbattì a Scuol per la trofea dal Grond Premi da Scuol.
Giubileum e surdada dal presidi
Gia dapi 30 onns datti il turnier da curling Grond Premi da Scuol. Dapi passa 20 onns è Markus Solinger il president dal turnier. En connex cun il giubileum surdat el la batgetta dal presidi dal Grond Premi da Scuol ad Adrian Iten.
-
Bild 1 von 4. Bildquelle: RTR.
-
Bild 2 von 4. Bildquelle: RTR.
-
Bild 3 von 4. Bildquelle: RTR.
-
Bild 4 von 4. Bildquelle: RTR.
Il Grond Premi da Scuol è il punct culminant e la finiziun da la stagiun da curling sut tschiel avert. Il turnier è il pli grond turnier sut tschiel avert en Engiadina Bassa e vegn giugà durant l’emna da curling. Quella cumpiglia er ils turniers Prix Sent e la Coppa Cabana. Equipas che dattan tut ils trais turniers pon far part ad ina rangaziun cumbinada.