Alligator Malans survegn Thomas Berger sco trenader per la proxima stagiun. Berger è gia stà trenader dal club grischun ils onns 1995 fin 2002. Silsuenter ha el lavurà per Cuira Unihokey e cun grond success per Wiler-Ersigen.
La stagiun actuala è stada difficila per Alligator Malans. Mo cnap èsi gartegià d'arrivar en ils playoffs. En il quartfinal fruntan ils Grischuns sin il defensur da titel, ils Grasshoppers.
