I saja ì en vigur in siemi, ha ditg Ignacio Perez Prat suenter ch’ils Argentins han gudagnà per la terza giada il titel da campiun mundial da ballape suenter il 1978 ed il 1986. Quest titel saja da festivar, ma ils quitads e problems en l’Argentina restian vinavant, uschia Perez Prat. El giavischass en il futur er ch’il pajais argentin daventaia in’equipa sco quai che la naziunala da ballape saja stada quellas davosas emnas en il Qatar.
Jau hai patì fitg cun ils Argentins durant l’entir campiunadi, ma igl è in titel merità per la Albiceleste.
Ignacio Perez Prat ha bandunà l’Argentina avant 14 onns perquai ch’el na veseva nagina perspectiva pli en sia patria. El ha chattà ses nov dachasa a Cuira. Il Grischun saja uss ses nov dachasa, el haja stuì chattar ina nova patria per el, ma il cor è e restia in argentin.