Siglir tar il cuntegn

Header

Legenda: CB Surses a partir da la stagiun 2021/22 en 3. liga – in success istoric. mad
cuntegn

Ballape regiunal CB Surses nunspetgà en 3. liga

Surpraisa en il ballape regiunal – Il Club da ballape Surses dastga, malgrà ch’il club ha terminà il campiunadi be sin il segund plaz en 4. liga, tuttina far il pass en 3. liga. Grazia a diversas midadas en las ligas superiuras daventa liber in plaz per ils da Surses en questa liga pli auta.

audio
Intervista cun il president dal CB Surses Ivan Brenn
03:38 min, Actualitad dals 30.06.2021.
laschar ir. Durada: 03:38 minutas.

Il glindesdi ha il president dal CB Surses, Ivan Brenn, survegnì l’infurmaziun da l’Associaziun da ballape Svizra Orientala che ses club vegnia promovì en la 3. liga. Las duas meglras equipas plazzadas sin il segund plaz en 4. liga possian far quest pass da stgala si, e tranter quellas tutga er l'emprima equipa dal CB Surses. Quai saja ina surpraisa nunspetgada, dentant meritada, conferma Ivan Brenn envers RTR.

Spetgà 40 onns

Il CB Surses aveva terminà la stagiun 2020/21 sin il segund plaz da la tabella, in punct davos il CB Lumnezia ch’ha fatg il pass en 3. liga ord las atgnas forzas. Uss pon dentant era ils da Surses far festa. Igl è numnadamain l’emprima giada en l’istorgia dal Club da passa 40 onns ch’ils da Surses pon giugar en ina liga uschè auta. Quai munta dentant er dapli sforzs e dapli trenament. Ins vegnia da nov a vesair l’equipa duas giadas l’emna sin la plazza da ballape ed avant ils gieus perfin trais giadas, uschia Ivan Brenn.

RTR Novitads 09:00

Artitgels legids il pli savens

Scrollar a sanestra Scrollar a dretga