Siglir tar il cuntegn

Header

cuntegn

Ballape regiunal Schluein Glion e Valposchiavo gudognan

Dus dis suenter lur triumf en la cuppa grischuna da ballape han ils da l'US Schluein/Ilanz prendì quest schlantsch en il campiunadi da terza liga. L'equipa da la Foppa gudogna ordaifer encunter Buchs cun 3:0. Per anc avair ina minima schanza sin la promoziun en la segunda liga, ch'ils da Schluein e Glion han mess sco finamira, ston els gudagnar tut ils gieus che restan. Sonda è quai gartegià, uschia ch'i resta anc 3 gieus en il campiunadi da la terza liga.

Cunquai ch'ils leaders da Valposchiavo Calcio han era gudagnà lur gieu, quai cun 3:1 ordaifer encunter Domat, mantegnan els lur avantatg confortabel da 5 puncts sin ils Sursilvans. Sin il terz plaz, be 1 punct davos Schluein/Ilanz, è il CB Ruggel che ha declassà Tusaun/Cazas e triumfà gist cun 6:0. Trun/Rabius gudogna impurtants 3 puncts en il cumbat encunter la relegaziun. Els battan ordaifer Eschen/Mauren cun 3:1 e ruschnan avant sin plaz 8 en la tabella.

La tabella chattais sut quest link:

Tabella 3. liga regiunala da ballape

Avrir la box Serrar la box

Link tar Federaziun da ballape

En la segunda liga interregiunala ha Cuira 97 ha pudì cunter il FC Adliswil 4:1. La dumengia ha Domat battì Vaduz cun 3:1.

Tabella 2. liga interregiunala da ballape

Avrir la box Serrar la box

Link tar Federaziun da ballape

RTR novitads 20:00

Artitgels legids il pli savens

Scrollar a sanestra Scrollar a dretga