Siglir tar il cuntegn

Header

video
Bianca Gisler e sia passiun per sigls e trics cun snowboard
Or da Telesguard dals 29.03.2021.
laschar ir
cuntegn

Bianca Gisler La passiun per ils trics e sigls

La sportista engiadinaisa Bianca Gisler ha gia cun tschintg onns savì ch'ella dovra in’aissa sut ses pes.

Oz ha la giuvna da Scuol 18 onns – e l'aissa l'accumpogna anc adina. Avant dus onns ha ella fatg ses emprims pass vers il sport da profi ed ella ha cumenzà a sa participar a cuppas e campiunadis da Big Air e Slopestyle. L’entschatta dal mais ha ella gì l’emprim grond success, numnadamain ina medaglia da bronz al Europa Cup a Leysin.

audio
Cuppa mundiala e gist anc en l’Engiadina – la snowboardista Bianca Gisler
02:19 min, Actualitad dals 29.03.2021.
laschar ir. Durada: 02:19 minutas.

Arrivada en la cuppa mundiala

La fin d’emna passada ha Bianca Gisler pudì sa participar per la segunda giada ad in’occurrenza da la cuppa mundiala dal Slopestyle. A la cursa a chasa, sin il Corvatsch sur Silvaplauna ha la giuvna da Scuol cuntanschì il 18 avel plaz. Per la proxima stagiun sparescha l’Engiadinaisa da pudair esser en acziun anc pli savens en la cuppa mundiala e cumbatter cun las meglras snowboardistas dal mund.

La speranza da Bianca Gisler è, ch’i va vinavant bain e ch'ella po adina anc sa meglierar. La finamira principala resta da pudair in di viver da sia passiun.

RTR Video

Artitgels legids il pli savens

Scrollar a sanestra Scrollar a dretga