Siglir tar il cuntegn

Header

cuntegn

«Big Air Chur» Il spectacul è garantì

Ils 21 ed ils 22 d'october ha lieu la concurrenza da Big Air a Cuira sin l'areal da la Obere Au.

Mattias Menzli (37) ed Elena Könz (35) vegnan a co-commentar ils finals da la concurrenza. Mattias Menzli ch'è l’expert da freeski sa legra spezialmain che l’indigen Andri Ragettli è quest onn da la partida. El enconuschan er persunas ch’è n'han betg propi in connex cun il sport da freeski. Uschia vegn Andri Ragettli segir a procurar per ina buna atmosfera.

audio
Prevista sin il Big Air cun Elena Könz e Mattias Menzli
ord Actualitad dals 19.10.2022.
laschar ir. Durada: 4 minutas 3 Secundas.

Il punct culminant da l’experta da snowboard, Elena Könz, è la concurrenza d’aissa da las dunnas. L’Engiadinaisa è vegnida 2015 campiunessa mundiala en il Big Air ed enconuscha la scena. Spezialmain interessant vegnia per ella da guardar las atletas svizras ch’ella enconuscha anc da ses temp activ. Elena Könz menziuna qua ina Mona Danuser da Flem u er ina Bianca Gisler da Scuol.

Elena Könz e Mattias Menzli.
Legenda: Elena Könz e Mattias Menzli. Montascha RTR

Elena Könz è anteriura profi-snowboardista ed è daventada il 2015 campiunessa mundiala en il Big Air.

Mattias Menzli è anteriur freeskier ed è sa participà durant ses temp activ a concurrenzas sco freestyle.ch u er a campiunadis mundials da juniors.

RTR mussa il final da snowboard e freeski live. Dapli infurmaziun sut: rtr.ch/bigair

video
Big Air a Cuira va en la segunda runda
Or da Telesguard dals 19.10.2022.
laschar ir. Durada: 3 minutas 32 Secundas.

RTR novitads 20:00

Artitgels legids il pli savens

Scrollar a sanestra Scrollar a dretga