Siglir tar il cuntegn

Header

audio
Andrin Beeli gudogna suveran
Or da Novitads dals 08.08.2021.
laschar ir. Durada: 03:45 minutas.
cuntegn

Bike Maraton Lumnezia Andrin Beeli gudogna suveran

L'aura è stada meglra che prognostitgada, tuttina ha la tschajera fatg fastidis.

La plievgia n’è betg vegnida. Persuenter han ils participants e las participantas gì da cumbatter sin ils  40 kilometers cun spessa tschajera ed inqual ha stuì turnar enavos da vias pulainas.  

Ultima victoria sco profi al Bike Maraton Lumnezia

Chattà il pli spert la via tras la tschajera ha l'indigen Andrin Beeli. Curt suenter ch’el ha communitgà, ch’el veglia terminar sia carriera da profi, ha el pudì triumfar a la cursa en Lumnezia. Sia victoria è stada suverana, sin il segund ha el gì in avantatg da varga trais minutas e mez.

Jau hai schon stuì dar gas. I n'è betg stà uschia ch’i fiss stà luc per mai. Jau hai tuttina gì da patir in pau.
Autur: Andrin Beeli victur dal maraton

L’aura è stada meglra che prognostitgada  

Las prognosas da l’aura han procurà per intginas malsegirtads avant la partenza da la cursa. Uschia n’eri betg cler, sche tut quels e quellas ch’eran s’annunziadas cumparan era a la partenza. Il levgiament tar il comité d’organisaziun è stà grond cura che las varga 250 persunas en cumparidas a la partenza.

RTR novitads 17:00

Artitgels legids il pli savens

Scrollar a sanestra Scrollar a dretga