Siglir tar il cuntegn

Header

cuntegn

Cdh Engiadina Buna stagiun da las Chicas

Gia dapi passa 10 onns dat l’equipa da las dunnas dal Cdh Engiadina en liga naziunala C. Las Chicas, sco che l’equipa vegn numnada, han gudagnà las davosas partidas ed èn actualmain sin plazza trais da la tabella.

La partenza en la nova stagiun da hockey en liga naziunala C è grategiada. Suenter las emprimas duas sconfittas ha l’equipa gudagnà trais giadas en seria. La squadra è pelvair arrivada en la nova stagiun.

Darar uschè fermas

Passa 10 onns dattan las Chicas dal Club da hockey Engiadina il campiunadi en liga naziunala C da las dunnas. Anc darar era la squadra dentant uschè ferma sco actualmain. Las Chicas han bain pers encunter las grondas favuritas dal SC Weinfelden, han dentant battì in'autra squadra favurita, numnadamain l’equipa da las dunnas dal ZSC. Ed er encunter Wallisellen han las Chicas gudagnà. Perquai è la squadra rangada uschia bain sco ditg betg pli.

audio
Domenic Bott trenader da las Chicas
ord Actualitad dals 08.11.2022.
laschar ir. Durada: 2 minutas 51 Secundas.

Da return suenter pausa da maternitad

In dals motivs che la squadra è per il mument uschè bain en furma è segir il fatg che la Chicas han fatg il proxim pass: Ellas èn vegnidas pli cumpetitivas. In auter motiv per il success è che inqual dunna è da return en l’equipa suenter la pausa da maternitad. Quai èn giugadras da hockey cun experientscha, giugadras ch'eran quasi dapi l’entschatta da la partida en il club.

RTR actualitad 17:00

Artitgels legids il pli savens

Scrollar a sanestra Scrollar a dretga